Mammoeters nieuw Logo

Ut Mammoetleed 2018

Vereinegingsleed gespäöld en opgenome door 't orkes "De Melodies". Gezoonge door Peter en Harrie Schrieder.
Gesjreve door Patrick Ummels

Refrein 2x

Mammoeters in hart en nere
Dat zien veer allemaol
Sjariteit en ammezere
En zinge doen veer in us moojertaol
Mammoeters in hart en nere
Vaan Potteberreg tot de Haozedans
Loupe veer op straot te bamboezjere
Daot mer met us met pak uuch dee kans

1e Koeplet

Es Jumbo woort ’t us al vreug gelierd
Wie hei de vastelaovend weurt gevierd
En weurt dee kleine Jumbo als mer groeter
Daan weurt heer gans vaan zellef dee Mammoeter
En zjus wie alle gooj Mestreechtenere
Zien veer Mammoeters in hart en nere

Refrein 2x

2e Koeplet

De ierste jaore waore neet verkierd
In de Apollo woort toen fees gevierd
Get later woort gefees in hiel get tente
Mer de Romein dat is de mies recente
En zjus wie alle gooj Mestreechtenere
Blijf geer Mammoeters in hart en nere

Refrein 2x